«Հայաստան» Համահայկական Հիմնադրամի Պատուիրակութեան Այցը
Շբթ, 18 Հլս 2020

«Հայաստան» Համահայկական Հիմնադրամը այն եզակի կառոյցն է, որուն նպատակն է հայասփիւռ ցանցով աջակցիլ Հայաստանին և աշխարհի հայերուն, ինչպէս նաեւ իրականացնել ծրագիրներ Հայաստանի և Արցախի կայուն ու համաչափ զարգացումը ապահովելու համար: Ուստի գերագնահատելի է Հիմնադրամի տարած ազգանուէր գործունէութիւնը, մասնաւորաբար Լիբանանահայ համայնքին համար, որ կը դիմագրաւէ բազում մարտահրաւէրներ:
Հինգշաբթի, Յուլիս 16-ին Պէյրութի Վահան Թէքէեան Միջն. Վարժարան այցելեց «Հայաստան» Համահայկական Հիմնադրամի Լիբանանի Գործադիր Մարմինը ներկայացնող պատուիրակութիւն մը եւ Լիբանանի հայկական կրթական հաստատութիւններու օժանդակութեան ծիրին մէջ վարժարանի տնօրէնութեան յանձնեց Հիմնադրամի Ֆրանսայի եւ Գերմանիոյ մարմիններու կողմէ հաստատուած դրամական յատկացում: Ընթացիկ տարեշրջանին այս երկրորդ անգամն է, որ Լիբանանահայ վարժարաններու շարքին Վահան Թէքէեան վարժարանը կ՛արժանանայ Հիմնադրամի օժանդակութեան: 
Մեր անվերապահ աջակցութիւնն ու ջերմ շնորհակալութիւնը կը յայտնենք «Հայաստան» Համահայկական Հիմնադրամին մաղթելով ամենայն յաջողութիւն իր բոլոր ծրագիրներուն մէջ:

IMG_203.jpg
132 KB
Տեսնել

Անուն
Վերնագիր
Մեկնաբանութիւն

  +961 1 260525 / 260574          

  info@vahantekeyan.com          

  P.O. Box 80060  Bourj Hamoud, Lebanon          

English Français عربي